Волены представителї села

Жытелї села ся мусили в минулости попасовати з многыма тяжкыма задачами. Днешня подоба Вышнёй Писаной є выслїдком їх незвычайной робітности, выслїдком роботы як селян, так і функціонарїв села, котры ся все намагали зробити про село якнайвеце. Мена рыхтарїв до скінчіня першой світовой войны не знаме.

 

В міджівойновім періодї были у функції рыхтарїв Осиф Пітлівка (1920 – 1936) і Ян Гвозда (1936 – 1941). За словеньского штату быв владным комісарём села Андрій Костик (1941 – 1944). По другій світовій войнї стояли на челї села председове МНВ: Василь Юрчішін (1945 – 1946, 1960 – 1974), Ян Костик (1946 – 1950), Андрій Пітлівка (1950 – 1954), Андрій Гвозда (1954 – 1960), Юрко Хованець (1974 – 1981), Петро Гвозда (1981 – 1986) і Ян Гвозда (1986 – 1990). Таёмниками МНВ были: Янко Родак (1950 – 1976), Анна Мочіленкова (1976 – 1981), Андрій Костик (1981 – 1986) і Андрій Кушей (1986 – 1990). Адміністратівнов силов в селї была довгы рокы Анна Мочіленкова.

По вольбах у роцї 1990 аж доднесь є старостом села Василь Пітлівка.